विवाह बन्धनमा बाँधिँदै अली र ऋचा

बलिउड कलाकारद्वय अली फजल र ऋचा चड्ढा विवाह बन्धनमा बाँधिने भएका छन् । मिडिया रिपोर्टका अनुसार ७ वर्षदेखि एक अर्कालाई डेट गरिरहेका दुई जनाले आगामी अक्टुबरमा विवाद गर्न लागेका हुन् ।

उनीहरूको विवाहअघिको उत्सव भने यही महिनादेखि सुरु हुने भारतीय सञ्चारमाध्यमहरूले जानकारी दिएका छन् । यसअघि दुई जनाले सन् २०२० मा नै विवाह गर्ने योजना बनाएका थिए । तर, कोभिडका कारण उनीहरूको योजना तुहिएको थियो ।

ईटाम्सको रिपोर्टअनुसार आगामी ६ अक्टुबरमा दुई जनाको विवाह हुँदैछ । ७ अक्टुबरमा मुम्बईमा रिसेप्सन राखिएको छ । विवाह अघिको उत्सव भने दिल्लीमा ३० सेप्टेम्बरदेखि २ अक्टोबरसम्म मनाइनेछ ।

ऋचा र अलीको पहिलो भेट सन् २०१२ मा फुकरेको सेटमा भएको थियो । रिपोर्टका अनुसार ऋचाले नै अलीलाई प्रपोज गरेकी थिइन् । ऋचाको प्रेम प्रस्तावको जवाफ दिन अलीलाई तीन महिना लागेको थियो । दुई जनाले आफ्नो सम्बन्ध लगभग ५ वर्षसम्म गोप्य राखेका थिए । दुई जनाले भिक्टोरिया और अब्दुलको प्रिमियरमा आफ्नो प्रेमको खुलासा गरेका थिए ।

Leave a Reply

Your email address will not be published.